Творилница 2 – празник за учесниците во сите работилници

Минатата сабота беше вистински празник за сите учесници во овогодинешната Творилница.

Второто издание на проектот за детски креативни работилници „Творилница“ поврза над 230 ученици од основните и средните училишта низ цела Македонија и нивните наставници.

Културениот центар „Јадро“ ги отвори своите врати за многубројните учесници, пријатели и гости. И покрај дождот, сите со нетрпение очекуваа да ги покажат своите нови вештини и финалните авторски проекти. Г-ѓа Илијана Атанасова, како автор и носител на проектот „Творилница“ и г-дин Ангел Ангелов, амбасадор на Република Бугарија во Република С.Македонија им честитаа на децата и нивните ментори за прекрасната работа и заедничките успеси.

ости на презентацијата на работилниците беа и г-дин Петар Петров, прв секретар во Амбасадата на Република Бугарија и г-ѓа Билјана Ангелова, сопруга на амбасадорот Ангелов со нивната ќерка Амели, како и гости од дипломатскиот кор, наставници од скопските основни и средни училишта, многу пријатели и поддржувачи на „Творилница“ .

Проектот „Творилница“ е дизајниран со цел да развива нови креативни вештини кај децата од 7 до 18 годинишна возраст. Со помош на менторите од различните области на уметноста, учесниците веќе втора година по ред можат да го прошират наученото за време на јреативните работилниците во „Творилница“ 1 и да откријат нови интереси и таленти во своето креативно творење во областа на музиката, литературата, ликовната и драмската уметност.

Како и минатата година, така и оваа Литературно-новинарскиот клуб го работеше под менторство и организација на Ксенија Маказлиева Трајчева – писателка и уредничка на списанија и изданија за деца. Учесниците напорно работеа за да направат свои книги и списанија во кои објавија свои песни, раскази,приказни, интерактивни предизвици, крстозбори и многу други интересни прилози.

Сценариото за целиот настан го подготви екипа од литературно-новинарскиот клуб, а водители беа Константинос Соломос, Михаела Павловски, Зорица Чилиманова и Сара Ѓорѓиноска, под менторство и во тандем со Ксенија Маказлиева Трајчева.

Екосписанието „Десеттата планета“ оод ООУ „Димитар Миладинов“ беше претставено од неговите автори, како во форма на рачно изработена верзија, така и во дигитален формат, со посебен прилог – екострип „Супер-Планетко“ , во кој беше претставена неговата екомисија, а беше дел и од видео презентацијата.

Членовите на музичкиот клуб и нивната менторка Стефана Марковиќ не изненадија оваа година со првата авторска песен на Творилница. Со мини концерт – перформанс се претставија и нашиот АББА бенд, како и Мина Димоска со соло настап.

Потоа учениците од ООУ „Невена Ѓеоргиева -Дуња“ го претставија нивното весело списание „Забавен свет“, кое содржи многу литературни прилози, игри, гатанки, крстозбори, интересни и корисни информации.

Драмскиот клуб и нивниот ментор – актерката Ангела Стојановска ни покажаа со кратко видео како вежбаат правилно да читаат драмски текст, како истински актери се подготвуваат за претстава и Ангела одговара на лавина детски прашања.

Проектот „Јана сонува“ ни го претставија неговите креатори – ученици од ОУ „Ѓорѓија Пулевски“ и „Браќа Миладиновци“ – Скопје.

Проект-книгата „Волшебен водопад“ на учениците од ОУ „Вера Јоциќ“ ја разбуди фантазијата на сите деца и возрасни.

Учениците од гимназијата „Јосип Броз Тито“ се претставија со авторска стихозбирка, дсо дел од песните на ученици, кои веќе биле наградени во Македонија и во странство.

За крај, менторот на Клубот на ликовни уметности и бодипејнт уметник Бојан Стојковски-Ковски ги покани сите учесници да излезат на сцената, а гостите да ја разгледаат изложбата со свои дела.

Во наредните недели ќе ги објавуваме делата на нашите учесници кои сè уште пристигнуваат на нашата е-мейл адреса, и на крајот ќе бидат собрани во е-брошура. Следете ја нашата страна www.bgschool.mk , како и Инстаграм и Фејсбук профили.

чекувајте ги задачите на струмичкиот литературно-новинарски клуб кој неуморно работи од 6 јуни. Нивни гости беа исклучителниот Киро Донев – писател за деца, Сузана Мицева – новинар, уредник и поетеса за деца и Ксенија Маказлиева Трајчева – уредник и писател за деца.

Нивните дела ќе бидат претставени на 22 јуни во Струмица, а од 2 до 4 јули во Охрид ќе се одржат нови работилници.

---